O Socijalistischi Jugend (SJ) hi i lek bareder balutni ternengeri organisacija andi Austrija. Terne vaj ischkolaschtscha, terne butschatscha vaj schtudenten andi SJ butschalinen, politischi keriptscha taj akcijoni planinen, mulatintschagi keren taj seminare taj te naphandlipeskere mulatintschagi. Amen amenge amari cukunft taj amari buti na avrendar upre te dschuminel mukas, amen söbst prik amari buti entschajdinas!

Amen dschanas katar avas…

Sajt o bersch 1984 organisirinen pumen terne ando Socijalistischi Jugend taj ande pumare angle naschipeskere organisaciji kaj khetan vasch terdschime socijali, virtschoftlichi taj khetanipeskere problemtscha aun te kejmpfinen taj o them, ande savo dschijas, feder te kerel. Ada ande but koji imar latscho kerdo ulo: butschakero arakipe fi lerlinge, o keripe le civildinstistar, völinipeskero berschengero tel keripe, taj buteder. Uso kesdipe adale kojendar o Socijalistischi Jugend ando pradipe terdschino, le ternenge fi adala koji dschumipe kertscha.

…amen dschanas kaj te dschal kamaha!

O Socijalistischi Jugend fi jek khetanipe terdschol, ande savo niko vasch i nacijonaliteta vaj vasch i cipa vaj geschlecht tel dschumim ol. Amen na kamaha virtschoftakero sistem, savo tschulenge but barvalipe anel taj but milijoni manuschendar i buti lel taj tschore len kerel. Amen fi jek khetanipe terdschojas, ande savo le cile manuschen o glajchi schajipe hi, pumare ajgeni talentscha ar te bulharel, taj na o barvalipe, ham o manuschengero pekamipe ando barikanipe terdschol. Amaro cil hi jek socijalistischi khetanipe!

Upre amende paschlol!

Korkor o pherde ischkolakere klasn taj o schtudijakero potschintschago, o nabutschalinipe taj o bibastale butschakere koji bejg na ovna. Tschak te schunipe amenge kertscham, schunde amen ovaha! So schaj resas taj so schaj parujas odotar tel hejnginel, saj sorale amen sam. Kaj vascho terdschine problemtscha valaso schaj keras, iste khetan amen upre terdscharas! Tschak akor amare interesi taj mangiptscha tschtschikan kerde ovna!